XX. mendeko Euskararen Corpus estatistikoa

Testuingurua

¿Nola bear bezela
Gera mintzatuko
Jesusi esker onak
Ongi biurtzeko?

Aundia da, egiaz,
Daukazuten poza:
Eman Jesusi, eman
Betiko biotza.

Jesus degu gurekin
Gu ere arekin,
Zeruan gaiteala
Danok elkarrekin.

MIXIOLARI BATEN AZKEN AGURRA

Bigar urez joan bear
Urez, bai urrutira;
¿Berriz etorriko ote-naiz
Nere jaiot-errira?
Etortzen ezpanaiz
Oroi zaitea,
Beti zure nauzula
Amatxo maitea.

Ez naute bildurtzen urak,
Ez urak, ez ekaitzak.
Zerura-naiez dagona
Ez du izu eriotzak.
Uretan nai ba-du,
Antxen il nadin;
Zeru miñez danari
Dana zaio berdin.

Aberri berri artara
Iristen naizenean,
Esango diot Amari
Nere bakardadean:
Amatxo maitea,
Zu zaitut lagun;
Gorde nazazu beti,
Gorde gau ta egun.

Basatiar gaxoari
Jainkoaren izena...
Erakutsi leikioken
Izenik ederrena.
Baña arraixku asko
Baso-artean!
Babes nazazu, Ama,
Zure babesean.

Lanaren sari, erio
Zugatz baten ondoan...
Bakardade larri artan,
Ama, euki gogoan.
Jaunak egin nindun
Mixiolari;
Aintza beti zeruan,
Aintza, bai, Jaunari!